Tal jơnum anai lăp hơdor pioh lĕ, Khua mir sir Võ Văn Thưởng hơmâo bơkơtuai bruă mă pơtom hiăp hăng dêh čar Mi, pơphun jơnum hơmâo 5000 čô ding kơna, lu khua mua kơđi čar hơđăp hăng ƀing khua mua pơprong, ƀing hmư̆ hing amăng dêh čar Mi nao jơnum hrŏm bơkơtuai bruă pơtom hiăp.

Tal nao čuă dêh čar Mi anai jơnum hrŏm sa rơwang hrơi tơjuh hăng khua mua pơprong APEC laih anun pơđut bruă mă pơtom hiăp dua bơnah mơ̆ng Khua mir sir Võ Văn Thưởng, bơnai ñu hăng grup khua mua pơprong mơ̆ng Việt Nam ba glăi boh tŭ yua hiam klă, djru pơđĭ tui kơnuih hiam hing ang bruă pơtom hiăp mơ̆ng Việt Nam amăng khul APEC hăng jar kmar, laih dơ̆ng djru hrŏm sit nik pok pơhai ngă tui Hră pôr hrŏm  yôm phara hlom bom plah wah Việt Nam hăng Mi dưi hơmâo Khua git gai Ping gah Nguyễn Phú Trọng laih anun Khua mir sir Mi Joe Biden kĭ amăng blan 9 phrâo laih rơgao.