Ngă tui akŏ bruă thun 2023 mơ̆ng anom bruă apui lơtrik Việt Nam kơ bruă ngă tui pơkrem hăng pơgăn phăk phai, kông ty apui lơtrik Dak Lak pơtum ngă bruă sa amăng plĕ, pơsir 5 mơta bruă phun kah hăng : Pơkra ming sĭ mơdrô; tuh pơ alin man pơdong, wai lăng, ba yua, kông ngăn lŏn glai hăng pơgang ayuh hyiăng lŏn glai; pơgang pran jua mă bruă, mơnuih mă bruă. Tui hăng anun, kông ty pok pơhai wai lăng hăng pơhrŏ hĭ huač soh sel apui lơtrik, kơtưn hyu ĕp lăng na nao anih pơkĕ pơtơdu čơtăng apui lơtrik, pơkă lăng ming pơkra  jŭ yap djơ̆, jah agaih jơlan hrĕ apui lơtrik kiăng huăi huač soh sel trun 4,6% amăng thun 2023.

Amăng bruă mă si mơdrô truh ră anai, abih bang ƀing apah yua apui lơtrik Dak Lak hơmâo pơblih mông kông ter yap mrô apui lơtrik phrâo hăng điện tử soh; laih dơ̆ng ngă tui  pơdưm mrô pioh jŭ yap mă bruă, tơpă rơđah rơđong, pơkă lăng apui lơtrik rim hrơi, pok pơhai ngă bruă sa anih, rơgơi plah wah anom bruă apui lơtrik hăng lu anom bruă kơnuk kơna, djru mơnuih ƀôn sang amuñ hloh nao ngă hră pơar apui lơtrik...