Amăng mlăm čơkă No-el hơdôm boh sang jơnum ƀơi tơring čar Kon Tum, sit biă ñu lĕ hơdôm boh sang jơnum anun lĕ: Sang jơnum kyâo, sang jơnum Tân Hương…lêng kơ lič lač apui kơđen, bơnga dưm dăp lăng hiam.

Mơng tlam mơmŏt lu mơnuih tui đăo hơmâo nao tum pơƀut ƀơi sang jơnum kiăng kơ krong čơkă No-el. Hrŏm hăng tơlơi hok mơ-ak amăng mông jơnum pơƀut, lu mơnuih ƀôn sang mah ƀu tui đăo ăt nao pơ sang jơnum kiăng ngui mơ-ak hrŏm, hrŏm hăng čơkă thun phrâo hăng pran jua hur har mơ-ak.

Ama Trần Tấn Việt, ama wai lăng sang jơnum prong Kon Tum brơi thâo, ngă tui jơlan hơdră mơng Khul đăp khŏp Việt Nam ba tơbiă amăng thun 2024 lĕ “Pơtrut mut hrŏm amăng tơlơi hơdip tui khul đăo”, Sang jơnum hơmâo hơdôm akŏ bruă tong ten kiăng mut hrŏm amăng hơdôm bruă mă mơng sang jơnum kah hăng pơgôp man pơdong plơi pla.