VOV4.Jarai - Lơ 14/10, ƀơi plơi prong Yên Bái, Ding jum Khul ling tơhan dêh čar, Grŭp pơtô bruă Ping gah dêh čar hăng tơring čar Yên Bái gum hrom Bơkơtuai bôh thâo gưl lŏn ia hơdor glăi 70 thun tlaih rơngai Tây Bắc hăng anăn ñu: “Tlaih rơngai Tây Bắc 1952 – Tơhnal gru grua hăng tơlơi kiăng hrăm”.

Rup Bơkơtuai

Rơgao hăng anai 70 thun, thun 1952, gah yŭ tơlơi git gai mơng Ping gah hăng Khua mir sir Hồ Chí Minh, tơhan hăng mơnuih ƀôn sang Tây Bắc hăng tơlơi gum hrom mơng hơdôm anih anom blah, plơi pla đơ đam dêh čar hmâo dưi prong laih amăng bruă blah ƀơi Tây Bắc. Bruă truh kih anai lĕ gru grua yôm phăn, hmâo bôh yôm gru grua tui tơhnal bruă mă, pơsit gru yak pơđĭ kyar phrâo, djru ngă brơi bruă blah kơdŏng glăi ayăt Prang truh kih. Amăng mông bơkơtuai, rơbêh kơ 90 mơta tơlơi čih lăi pơthâo đing nao ngă rơđah bôh tŭ yua gah ling tơhan, bruă kơđi čar, bơwih ƀong mơng bruă tlaih rơngai Tây Bắc pioh pơjing rai anô̆ gơgrong hăng pran jua phrâo kơ bruă blah Bơyan Puih phang 1953 – 1954, pơđut bruă blah kơdŏng glăi ayăt Prang suă mă lŏn ia ta./.

VOV.VN čih

Siu H’ Prăk pơblang