Mông bơkơtuai hmâo ngă pơhư̆č lu ƀing juăt bruă, mơnuih kơsem min, ƀing kơsem min Việt Nam ba jơlan hlâo mơng Nga hăng ƀing gơyut hrăm gưl dlông Nga kiăng khăp bôh thâo đưm Việt Nam. Bruă bơkơtuai pơpha jing 3 mông jơnum, hăng 14 mơta tơlơi čih gum lăi nao, tui hơdră lăng nao rai mơng ataih hăng ƀơi anăp.

Anih bơkơtuai kơ bôh thâo đưm phiăn juăt Việt Nam ƀơi Nga

Hơdôm mơnuih juăt bruă, mơnuih kơsem min bơkơtuai kơ tơlơi hrăm bôh pia, gru grua, bôh pơhiăp, hyu ĕp gơnam đưm, tơlơi đăo ƀơi Việt Nam. Amăng mông bơkơtuai, Nai tha prin, nai prin tha kơsem min bôh thâo phrâo Vladimir Mazyrin, Khua Anom kơsem min Việt Nam hăng ASEAN brơi thâo, bruă bơkơtuai hmâo ngă pơhư̆č lu mơnuih kơsem min, juăt bruă hăng hơdôm mơnuih đing nao bôh thâo đưm Việt Nam gum hrom. Nai tha prin Mazyrin pơsit, bruă bơkơtuai hmâo djru laih kơ lu mơnuih Nga thâo hluh hloh kơ hơdôm gru grua hiam phiăn juăt bôh thâo đưm, lŏn ia hăng ană mơnuih Việt Nam./.