VOV4.Jarai - Tom brơi (18/9), ƀơi Hà Nội, Khua git gai wai lăng pơ ala mơnuih ƀôn sang dêh čar ta ơi Vương Đình Huệ git gai hăng pơhiăp amăng mông Bơkơtuai bơwih ƀong – mơnuih mơnam Việt Nam thun 2022. Pơhiăp klah čun amăng mông Bơkơtuai, Khua git gai wai lăng pơ ala mơnuih ƀôn sang dêh čar ta ơi Vương Đình Huệ lăi lĕ, bruă Bơkơtuai hmâo pơsit bruă hơkrŭ, kơtưn bruă bơwih ƀong prong, kơtưn bruă gơgrong pơgăn hăng gơgrong pô mơng bruă bơwih ƀong jing bôh tơhnal ba jơlan hlâo.

Bruă bơkơtuai ăt hmâo pơlir hơbit mơn kiăng ngă giong hơdră bruă djru tơlơi phiăn, biă ñu ƀơi anăp đing nao ngă giong hơdră tơlơi phiăn gah lŏn drŏn. Tơdơi kơ pơđut bruă Bơkơtuai, Grŭp pơphun bruă Bơkơtuai amra čih tơlơi lăi pơthâo glăi mơ-ĭt kơ Khua pơ ala mơnuih ƀôn sang, Gong gai dêh čar, hơdôm Grŭp, Ding jum gơnong bruă hăng tơring čar, ƀôn prong kiăng djru hmao tlôn jơnum lok 4, Khua pơ ala mơnuih ƀôn sang dêh čar ta tal 15 hăng bruă pơkă kual lŏn, ngă tui hơdră pơtrun, hơdră bruă pơđĭ kyar bơwih ƀong – mơnuih mơnam mơng lŏn ia./.

Siu H’ Prăk: Pơblang