VOV4.Jarai - Tom brơi (5/10), ƀơi plơi prong Nha Trang, tơring čar Khánh Hòa pơphun jơnum bơkơtuai kơ bruă amăng kual ia rơsĭ tal 9 hăng anăn “Kơsem min boh thâo amăng kual ia rơsĭ: Pơjing pran đăo gơnang hăng hơđong kjăp”. Jơlan hơdră anai yua sang hră pơtô bruă pơtom hiăp, Sang anih jưh pơ ala dêh čar Angle ƀơi Việt Nam, Keh prăk Konrad Adenauer Stiftung (KAS)gum hrŏm pơphun. Jơnum bơkơtuai bruă amăng kual ia rơsĭ tal 9 pơhưč giăm 200 čô khua mua mơng jar kmar hăng amăng lŏn ia nao jơnum ƀơi anăp hăng lăng nao rai mơng ataih.

Mông jơnum

Kơ-iăng Nai tha prin-nai prin tha Nguyễn Chu Hồi, Kơ-iăng Khua khul hyu mă akan hơdang Việt Nam brơi thâo, boh thâo măi mok lĕ akŏ phun kiăng pơđĭ kyar bơwih ƀong huă, wai pơgang lŏn ia. Kiăng jing sa boh dêh čar prong kơtang amăng bruă kual ia rơsĭ, kiăng thâo yua boh thâo phrâo, mă akan hơdang brơi klă hloh, kual ia rơsĭ kiăng wai lăng pơlir hơbit djop dêh čar. Kơ-iăng nai tha prin - nai prin tha Nguyễn Chu Hồi rơkâo, hluai tui bruă pơtom hiăp, djop dêh čar pơjing pran đăo gơnang kiăng ngă hrŏm amăng boh thâo phrâo kơ bruă amăng kual ia rơsĭ. Laih dong, akŏ pơdong anih anom wai lăng gum hrŏm kơsem min boh thâo amăng kual ia rơsĭ Ngŏ.

VOV/Siu Đoan: Pơblang