Bruă bơkơtuai anai yua kơ Việt Nam git gai amăng rơwang kơčăo bruă mă rơwang 2021-2025 mơng Jơnum min ASEAN kơ pơtrut hăng pơgang tơlơi dưi mơng Đah kơmơi hăng Čơđai muai. Amăng mông bơkơtuai, khua pơ ala kơ hơdôm bôh dêh čar kual ASEAN lăi nao kơ rơnoh ngă tui tơlơi pơsur hmâo ba tơbiă amăng Tơlơi lăi pơthâo glăi kual kơ pơtrut mut hrom kơjăp mơng khul ASEAN hluai tui bruă pơhlôm tơlơi phiăn mơng đah kơmơi hăng čơđai muai ASEAN yua kơ Việt Nam pơpha čih pơkra Kơčăo bruă mă mơng Jơnum min ASEAN kơ pơtrut hăng pơgang tơlơi dưi mơng đah kơmơi hăng čơđai muai rơwang 2016-2020.

Hrom hăng anun, ƀing khua pơ ala ăt lăi pơthâo mơn kơ hơdôm tơlơi gir run mơng Việt Nam amăng bruă pơsir hră pơ-ar anih dô̆, hră pơsit anih dô̆ kơ mơnuih ƀu hmâo anih dô̆, mơnuih đuăi hyu dô̆ hơdơ̆ či hor amăng hơdôm hrơi rơgao hăng ba tơbiă hơdôm tơlơi pơsur, bruă mă gum hrom truh thun 2025./.