Kual ASIA – Mi Kô̆ lĕ anih anom sĭ mơdrô nao rai mơ̆ng hlâo mơ̆ng dêh čar Việt Nam hăng ră anai dưi lăng lĕ anih sĭ gơnam gal. Anai lĕ pơlir kual hmâo 28 bôh dêh čar, raih taih mơ̆ng Kual Ngŏ Mi Kô̆ truh pơ̆ kual Tŏng Krah ASIA, mrô mơnuih ƀôn sang rơbêh kơ 400 klăk čô mơnuih hăng abih bang GDP giăm hmâo 4.500 klai dolar Mi.

9 blan thun 2023, gơnam sĭ nao rai kơplah wah Việt Nam hăng hơdôm bôh dêh čar kual ASIA – Mi Kô̆ hmâo 9 klai dolar Mi. Amăng anun Việt Nam sĭ kơ kual anai rơbêh kơ 6 klai dolar Mi; blơi mut hmâo giăm truh 3 klai dolar Mi. Ding jum sĭ mơdrô hăng bruă mă pô git gai hơdôm bruă gum hrŏm bơwih ƀong – sĭ mơdrô dua bơnah hăng lu bơnah ƀơi kual ASIA – Mi Kô̆, amra gum hrŏm dong hăng hơdôm ƀirô apăn bruă, gum hrŏm hăng khul mơnuih bơwih ƀong sĭ mơdrô thâo hăng mă yua tơhnal gal gum hrŏm phrâo, pơtlaih tơlơi tơnap, tơlơi gun kiăng pơtrut hơdôm bruă sĭ mơdrô hăng tuh pơplai./.