Pơhiăp amăng mông jơnum, ơi Hoàng Minh Nhân, Khua Khul ngă giăng mah Việt-Nga ƀôn prong HCM hơdor glăi bruă mă gru phun djă pioh “10 hrơi ngă tơpư̆ mơgơi rŏng lŏn tơnah” yua Tơlơi hơkrŭ blan 10 dêh čar Nga. Ƀơi Việt Nam, Tơlơi hơkrŭ blan 10 dêh čar Nga hơmâo sa bruă mă yôm biă mă, pioh glăi anŏ bơbeč kơtang ngă atur kơ bruă hơkrŭ laih anun pơđĭ kyar lŏn ia. Laih dơ̆ng ngă atur giăng mah pŭ ƀăn gru grua hiam klă dua djuai ania Việt-Nga.

Ơi Valery Mikhailovich Karchagin, Khua anih jưh pơ ala bruă sĭ mơdrô mơ̆ng dêh čar Nga ƀơi ƀôn prong HCM brơi thâo: Hrơi lơphet anai pơƀuh brơi kơ rơnoh yôm, aliăng kjăp mơ̆ng djuai ania Nga-hơmâo pran jua khăp kơ lŏn ia, tơlơi djru hrŏm lir hơbit pơgang pioh mơak hlak hăng rơngai lŏn ia pô. Tui hăng ơi Valery Mikhailovich Karchagin, dêh čar Nga lăng yôm biă mă tơlơi gir run mơ̆ng djop dêh čar ngă adơi ayong jĕ giăm, biă mă ñu mơnuih ƀôn sang Việt Nam.