VOV4.Jarai - Mơguah lơ 7/10, Khul mơnuih ngă đang hmua ƀôn prong Hồ Chí Minh pơphun pơpŭ bơni 28 čô mơnuih ngă đang hmua rơgơi yua kơ hmâo hơdôm tơlơi gum hơgôp klă kơ tơlơi pơđĭ kyar bruă ngă đang hmua ƀôn prong, pơdŏng plơi pla phrâo. Hrom hăng 28 čô mơnuih ngă đang hmua rơgơi hăng 30 mơta gơnam klă hiam dưi bơni hmâo hơdôm gơnam mă mơng đang hmua klă hiam hloh, pơjing pran lar hyu gru “Mơnuih ngă đang hmua phrâo”.

Ngă lơphet pơpŭ bơni 28 čô mơnuih ngă đang hmua rơgơi

Amăng rơwang lan Anom bôh thâo hlăk ai ƀôn prong Hồ Chí Minh hmâo 124 mơta gơnam pơdă prưng hơdôm gơnam mơng bruă đang hmua plơi prong, kah hăng: bơnga hơtai rơman, phun bơnga, añăm pơtăm, bơmao, gơnam anung amăng kơdung, pơjeh, kơmok pruăi, gơnam yua ngă đang... hrom hăng ha rơtuh mơta gơnam mă mơng đang hmua ba jơlan hlâo, gơnam OCOP klă hiam, klă hăng ayuh hyiăng lŏn drŏn./.

VOV.VN čih

Siu H’ Prăk pơblang