Amăng rơwang hrơi tơjuh blung a Tê̆t thun phrâo, ƀơi tơdrun Tân Cảng - Cát Lái gah Kông ti Tân cảng Sài Gòn hơmâo čơkă 75 wơ̆t ƀat tô pơgiăng gơnam ba sĭ pơ čar rơngiao, hăng rơbêh 1 klăk tơn gơnam, đĭ 9% pơhmu hăng tơđar thun 2023. Kơnong amăng mlăm 30 tê̆t thun phrâo 2024 pơphun pơkra gơnam, tơdrun kom păn hơmâo čơkă 7 boh ƀat tô container.

Mrô gơnam hơmâo dăp, yong trun amăng mlăm blung a bơyan bơnga ƀơi Tơdrun Tân Cảng - Cát Lái năng ai 105.000 tơn. Kơnong lơ 6 Tê̆t, ƀơi tơdrun ia anai hơmâo 190 lô gơnam ba sĭ hăng prăk pơhrui gơmâo 9 klăk 540 rơbâo đôlar Mi, lu biă nu lĕ gơnam mơ̆ng hmua, kyâo, akan hơdang...Amăng mrô anai, Kông ti TNHH pơtruh sĭ mơdrô jar kmar ba nao 2 boh rơdêh container năng ai 18 tơn kơphê pơkra laih kah hăng: kơphê boh pơ-ô̆, kơphê hra, kơphê hơbơi rơbua, kơphê boh nhàu...pơ dêh čar Úc.