Bơnai Khua git gai Ping gah nao pơhmư̆ mông Bơkơtuai rơngaih mơñam băn ao đưm ASEAN tal 9 ƀơi dêh čar Lao
Thứ năm, 10:06, 07/11/2024
VOV/Siu H' Prăk pơblang
VOV/Siu H' Prăk pơblang
VOV4.Jarai - Hmư̆ tui tơlơi jak iâo mơ̆ng yă Naly Sisoullith, Bơnai Khua git gai Ping gah dêh čar, Khua mir sir dêh čar Lao ơi Thonglloun Sisoulith, yă Ngô Phương Ly, Bơnai Khua git gai Ping gah dêh čar ta ơi Tô Lâm hmâo nao čuă dêh čar Lao hăng pơhmư̆ mông Bơkơtuai rơngaih mơñam băn ao đưm ASEAN tal 9 hăng anăn ñu "Hruă kơjăp tơlơi rô nao rai Khul ASEAN hluai tui gru grua bôh thâo đưm hăng rơngaih mơñam" mơ̆ng lơ 03/11 truh lơ 06/11/2024.
Lăi pơthâo nao rai hăng ƀing khua pơ ala nao pơhmư̆ mông bơkơtuai, yă Ngô Phương Ly pơsit yôm tơhnal bruă, bôh tŭ yua mơ̆ng bruă Bơkơtuai rơngaih mơñam băn ao đưm ASEAN tal 9 ăt kah hăng gru hiam, tơlơi phara mơng hơdôm gơnam dưi pơdă prưng amăng mông Bơkơtuai tal anai.
Ñu hơ-ưč hmưi dêh čar Lao hăng pô ngă Khua Khul ASEAN hmâo pơphun truh kih hơdôm bruă mă, biă ñu hơdôm bruă Jơnum gưl dlông mơ̆ng ASEAN, pơtŏng sit bruă pơphun truh kih Bơkơtuai rơngaih mơñam băn ao đưm amra djru truh kih mơ̆ng thun ngă Khua Khul ASEAN, ngă gal brơi bruă bơkơtuai, gum hrŏm kơplah wah mơnuih ƀôn sang hơdôm bôh dêh čar kual ASEAN, hrŏm hăng anun ngă tui hăng pơgang bruă rơngaih mơñam băn ao đưm mơ̆ng hơdôm bôh dêh čar./.
Viết bình luận