Tui tơlơi lăi pơthâo glăi amăng mông jơnum, thun 2024, bơwih ƀong   mơnuih mơnam mơ̆ng tơring čar Dak Lak hmâo laih hơdôm bôh tơhnal klă, 12/16 tơnhal pơkă dưi ngă hăng hloh kơ kơčăo bruă pơkă. Rơnoh đĭ kyar khă akă kah hăng tơlơi čang rơmang samơ̆ hơdră bơwih ƀong djă pioh dong rơnoh đĭ kyar klă, abih bang gơnam ƀơi tơring čar đĭ giăm truh 20% bơhmu hăng thun hlâo.

Bruă hơđong tơlơi hơdip mơda mơnuih mơnam, hrŏ trun ƀun rin dưi pok pơhai hmao tlôn; hơđong kơđi čar, hơđong abih bang mơnuih mơnam pơhlôm. Lăng yôm pran jua gơgrong, ngă tui tơpă, amăng mông jơnum rơnuč thun anai, Grŭp mă bruă Ping gah tơring čar Dak Lak đing nao bơkơtuai, tŭ ư hrŏm hơdôm bruă jao yôm phun mơ̆ng thun 2025 pơhlôm dưi ngă tui, ba glăi bôh tơhnal hăng lăp djơ̆ hăng tơlơi hmâo sit, biă ñu bruă pok pơhai dưm dăp rơguăt glông bruă tui tơlơi kiăng mơ̆ng Ping gah dêh čar./.