Bơyan hơjan giăm laih lu ară jơlan ƀơi tơring čar Lâm Đồng aka ƀu rŭ pơkra giong anih lŏn tơhroh
Thứ tư, 16:03, 13/05/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Bơyan hơjan thun 2026 jê̆ giăm laih samơ̆ lu ară jơlan ƀơi tơring čar Lâm Đồng ăt aka ƀu rŭ pơkra giong anih lŏn tơhroh, anih răm rai dŏ glăi mơng bơyan hơjan thun hlâo, bruă anai amra ngă hŭi rơhyưt brơi rơdêh nao rai hăng amra ngă rơdêh ƀu dưi găn nao rai lơm hơjan prong.
Pơhmutu lĕ amăng jơlan mrô 20, ƀơi jơlan čun čoe D’ran tơkuh nao rai mơng Đà Lạt hăng Phang Rang, truh ră anai hơmâo rơbêh 6 blan tơdơi kơ lŏn pơtâo tơhroh trun 60.000 met khối, bruă kuăi pơkra glăi ăt aka ƀu pơgiong. Ƀơi anih lŏn tơhroh, anom bruă bơdjơ̆ nao ăt ƀu brơi rơdêh pơgiăng gơnam kơtrâ̆o 5 tơ̆n tua tơdrông hăng ră anai glăk hŭi glưh tơdrông yua lŏn tơhroh gah yŭ ta luy, tơlơi anai ngă amuñ ƀuh lŏn lŏm dong ngă rơdêh ƀu dưi nao rai kiăng man pơkra hĭ hlâo kơ bơyan hơjan hlim.
Ơi Nguyễn Thanh Long, kơ-iăng Khua gơnong bruă man pơdong tơring čar Lâm Đồng brơi thâo, bruă rŭ pơkra glăi hơdôm anih lŏn tơhroh hăng răm rai rôk jơlan ƀơi ƀon lan ăt dŏ kaih pơhmu hăng tơlơi rơkâo sit nik.
Viết bình luận