Hơmâo pơphun rim thun, Pri Jua pơhiăp Việt Nam pơpŭ kơ mơnuih hơmâo tơlơi gum pơgôp prong hăng tơlơi pơpŭ “Jua pơhiăp Việt Nam”. Pri hơmâo brơi kơ mơnuih čih hră pơhing rơgơi, khul grup pơkra tơlơi pơhing rơgơi, boh thâo ia rơgơi gru grua, boh thâo măi mok, kơsem min boh thâo; ƀing pơčeh tơlơi adoh; ƀing adoh suang; mơnuih pơtui jua pơhiăp rơgơi, pô hiăp brơi jơlan hơdră. Pri pơpŭ, pơsur pơčeh tơlơi rơgơi, pơplih phrâo amăng djŏp bruă mă mơ̆ng Gong phun pơtui jua pơhiăp Việt Nam.

Thun anai, Gong phun pơtui jua pơhiăp Việt Nam brơi 6 pri Mah, 9 pri ia prăk, hăng 9 pri ia kông kơ mơnuih čih tơlơi pơhing mơ̆ng djŏp anom bruă. Ƀrô tal anai, Khua phun Gong phun pơtui jua pơhiăp Việt Nam jao Hră bơni kơ 8 anom bruă hăng hơjăn pô hơmâo tơlơi gum djru prong kơ jơlan hơdră “Pơdrong kơtang mơ̆ng ia rơsĭ lŏn ia”. Anom bruă pơtui jua pơhiăp kual Dap Kơdư hơmâo mă pri mah hăng tơlơi čih “Pok prong đơ đam lŏn pla sầu riêng ƀơi Dap Kơdư - Tơlơi lông lăng hăng gêh gal” mơ̆ng pô čih Dương Đình Tuấn.