Đĭ pơhiăp amăng mông ngă lơphet, Khua git gai Ping gah, khua sang anih jưh pơ ala dêh čar Việt Nam ƀơi dêh čar Kur Nguyễn Huy Tăng brơi thâo, ƀrô tal hơdor glăi 94 thun akŏ pơjing Ping gah (3/2), ƀing ta nao tŭi ñang ƀơi pra yang wa Hồ, kiăng lăi pơthâo brơi kơ wa sa, dua boh than mơ̆ Ping gah ƀơi dêh čar Kur dưi ngă amăng thun 2023.

Thun 2023, tơlơi rô nao rao kơplah wah Việt Nam-Kur tŏ tui pơđĭ kyar dơlăm hăng hơmâo lu tơlơi dưi prong amăng hơdôm bruă kơđi čar, pơtom hiăp, ling tơhan-pơgang rơnuk rơnua jai brơi sit nik, tŭ yua; ngă hrŏm bơwih ƀong, sĭ mơdrô tuh pơ alin pơplih kơtang tui, pơgôp amăng pơđĭ kyar mơng dua bơnah. Amăng mông yôm phăn anun, ƀing khua mua hơmâo tŭi ñang ƀơi pra yang Khua mir sir Hồ Chí Minh-khua git gai kiăng khăp kơ djuai ania ta kiăng hơdor glăi tơlơi gum pơgôp prong prin, hơdor glăi hơdôm tơlơi pơtô mơng wa brơi djop rơnuk ră anai hăng pơgi kơdih.