Ƀuh 18 per tơlang tơhan djai pơsăn drơi ƀơi đang hmua mơnuih ƀôn sang tơring čar Gia Lai
Thứ sáu, 11:18, 17/10/2025
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV. Jarai-Ƀơi să Ia Ƀoòng, (tơring glông Čư̆ Prong hơđăp), tơring čar Gia Lai, ƀing khua mua, ling tơhan Grup K52 glăk ječ ameč ngă hrŏm hăng hơdôm anom bruă bơdjơ̆ nao pok prong anih hyu ĕp, klơi mă tơlang tơhan djai pơsăn drơi amăng rơnuk blah ngă đưm.
Ƀơi anih rơhaih 100 m2 amăng đang hmua ơi Ksor Tân (plơi Ga, să Ia Ƀoòng), Grup K52 hyu klơi mă, hơmâo 18 per tơlang tơhan. Hơdôm per tơlang tơhan djai pơsăn drơi hơmâo ba nao dor klă, ataih nao rai năng ai 20cm đôč. Ră anai 18 per tơhang tơhan hơmâo mă tơlang ba pơčrang ADN.
Gah rơngiao plơi Ga, Anom bruă tơhan să Ia Ƀoòng hrŏm hăng hơdôm anom bruă bơdjơ̆ nao glăk pơsit anăn, pok prong anih hyu ĕp ƀơi plơi Sung O hăng Ƀoòng Nga. Să Ia Ƀoòng, tơring glông Čư̆ Prong hơđăp jing anih blah wang kơtang kơtit amăng thun blah ayăt Mi. Tui hăng bruă prăp rơmet hlâo, truh lơ 20/10, Grup k52 amra ngă giong bruă ƀơi să, prăp rơmet hyu ĕp, klơi mă tơlang tơhan pơ dêh čar Kur dong, amăng bơyan phang thun 2025-2026.
Viết bình luận