Buôn Ma Thuột sit nik pok jơlan Ngŏ-Yŭ (jơlan Võ Nguyên Giáp)
Thứ ba, 08:43, 31/10/2023
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Tơdơi kơ lu wŏt aka ƀu dưi pok mă yua, mơguah lơ 30/10, Jơnum min mơnuih ƀôn sang plơi prong Buôn Ma Thuột, tơring čar Dak Lak pơphun ngă lơphet pok jơlan Ngŏ Yŭ (plih jing jơlan Võ Nguyên Giáp) pơkuh giăm tui jơlan đuăi mơng tong krah plơi prong nao pơ tơring dron rơdêh por Buôn Ma Thuột hăng jơlan mrô 27 đuăi nao pơ tơring čar Lâm Đồng.
Abih tih prăk tuh pơ alin tơdơi kơ lu wŏt pơplih lĕ rơbêh 1.239 klai prăk, jơlan glông 6,9 km, akŏ đuăi mơng jơlan pơkuh nao rai kơplah wah Lê Duẩn-Đinh Tiên Hoàng hăng rơnuč lĕ jơlan pơkuh nao rai Jơlan mrô 27 - Jơlan Đam San đuăi nao tơdron rơdêh por Buôn Ma Thuột.
Bruă pok mă yua sit nik lĕ yôm phăn biă mă kiăng pơkuh nao rai hơdôm boh ƀon lan amăng tơring čar, pơhlôm jơlan phun Ngŏ-Dơnung amăng plơi prong, laih dong ară jơlan đuăi mơng tong krah plơi prong nao pơ jơlan mrô 27, tơdron rơdêh por Buôn Ma Thuột; ƀơƀrư̆ pok prong plơi prong, ngă gêh gal kiăng pơđĭ kyar man pơkra jơlan glông jum dar. Laih dong plai ƀiă kơniă rơdêh đuăi nao rai ƀơi hơdôm ară jơlan amăng plơi prong amăng hơdôm mông lu rơdêh đuăi nao rai.
Viết bình luận