Bưp ƀô̆ mơta khua mua git gai, wai lăng hmâo gum hrŏm bruă pơhrăm ƀơi Japan
Thứ bảy, 06:00, 11/11/2023
VOV/Siu H' Prăk pơblang
VOV/Siu H' Prăk pơblang
VOV4.Jarai – Ƀrô djơ̆ tal hơdor glăi 50 thun hrơi pơdŏng bruă pơtom hiăp kơplah wah Việt Nam hăng Japan, ƀơi Hà Nội phrâo pơphun mông pơbưp ƀô̆ mơta khua mua git gai, wai lăng tom hmâo pơhrăm pơ̆ Japan.
Pơhiăp amăng mông bưp ƀô̆ mơta, Khua Grŭp mă bruă Ping gah dêh čar yă Trương Thị Mai pơtŏng sit: Rơgao 50 thun pơdŏng bruă pơtom hiăp, tơlơi rô nao rai Việt Nam – Japan jai hrơi jai klă hiam, pơđĭ kyar prong dơlăm amăng lu bruă mă mơ̆ng bơwih ƀong, sĭ mơdrô, ngăn rơnoh...
Biă ñu bruă gum hrŏm pơtô pơhrăm brơi dong khua mua git gai, wai lăng hơdôm gưl hơdôm hrơi rơgao jing gru rơđah amăng gum hrŏm giăng mah kơplah wah dua bôh dêh čar. Mơ̆ng thun 2013 truh thun 2016, Japan djru pơtô pơhrăm 6 anih hăng 500 čô mơnuih hrăm. Mơ̆ng thun 2018-2023, Gong gai dêh čar Japan djru brơi 500 čô mơnuih prăk pơhrăm ƀiă hrơi hăng găp ƀrô, 300 čô mơnuih hră thạc sĩ, 25 čô mơnuih hrăm nai prin tha kơ Việt Nam./.
Viết bình luận