Čư̆ Kuin, Dak Lăk: 3,75 klai prăk brơi kơ mơnuih hơmâo anăn kơnuk kơna djru, sang anŏ tơnap tap
Thứ bảy, 15:15, 03/02/2024
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Tơlơi pơhing mơ̆ng Jơnum min mơnuih ƀôn sang tơring glông Čư̆ Kuin (Dak Lăk), bơyan Tê̆t Giáp Thìn 2024 anai, giăm 9.000 čô mơnuih hơmâo anăn kơnuk kơna djru, sang anŏ tơnap tap ƀơi tơring glông hơmâo mă gơnam tê̆t, abih tih prăk djru lĕ 3,75 klai prăk.
Tong ten ñu, hơmâo 3.596 čô mơnuih lĕ djru hơkrŭ lŏn ia, ƀing tha glăk ƀong prăk djru mơ̆ng mơnuih mơnam, mơnuih rơwen rơwô, čơđai drit druai, ƀing bôm mơta hơmâo mă gơnam Tê̆t thun 2024, rim anung gơnam hơmâo 500.000 prăk. Rơngiao kơ anun dong, ƀơi tơring glông ăt hơmâo 5.366 čô lĕ mơnuih sang anŏ rin, giăm rin hơmâo mă gơnam djru amăng bơyan bơnga Giáp Thìn 2024, rim anung gơnam hơmâo brơi kơ sang anŏ rin lĕ 1.000.000 prăk.
Ơi Võ Tấn Huy - Khua Jơnum min mơnuih ƀôn sang tơring glông Čư̆ Kuin lăi pơthâo, rim bơyan Tê̆t truh, Jơnum min mơnuih ƀôn sang tơring glông lêng kơ lăng ba tơlơi hơdip mơnuih ƀôn sang hơmâo anăn kơnuk kơna djru, mơnuih hơmâo khul grup lăng ba, hơdôm boh sang anŏ rin, giăm rin.
Viết bình luận