Đà Nẵng: Bưp ƀô̆ mơta rơbêh 2.000 čô ling tơhan pơdơi lơtret
Thứ năm, 16:18, 21/12/2023
VOV/Siu Đoan Pơblang
VOV/Siu Đoan Pơblang
VOV4.Jarai- Ƀrô tal hơdor glăi 79 thun hrơi akŏ pơjing ling tơhan mơnuih ƀôn sang Việt Nam, 34 thun hrơi abih bang mơnuih wai pơgang rơnuk rơnua, mơguah tom brơi (20/12), ƀơi ƀôn prong Đà Nẵng, Ping gah, Khul pơ ala mơnuih ƀôn sang, Jơnum min mơnuih ƀôn sang, Jơnum min djop djuai ania mơnuih mơnam Việt Nam ƀôn prong Đà Nẵng pơphun bưp ƀô̆ mơta rơbêh 2.000 čô khua tơhan, ƀing Đại tá, thượng tá hăng khua mua, khua anom bruă gưl Trung đoàn hăng bơkơnar pơ glông.
Amăng mông bưp, Khua Jơnum min mơnuih ƀôn sang ƀôn prong Đà Nẵng pơpŭ bơni hơdôm tơlơi gum pơgôp prong prin mơng djop gưl Khul tơhan hơđăp ƀôn prong amăng hơdôm tal pơplông “Tơhan hơđăp ba gru”, “Tơhan hơđăp djru tơdruă tơbiă mơng ƀun rin, thâo bơwih ƀong huă” hăng lu hơdră klă, pơčeh phrâo.
Pơ ala brơi khua mua ƀôn prong, Khua Jơnum min mơnuih ƀôn sang ƀôn prong Đà Nẵng čang rơmang pơ anăp anai, djop gưl Khul tơhan hơđăp tŏ tui djru brơi, mut hrŏm amăng hơdôm tal pơplông; djop khua tơhan, ling tơhan pơdơi lơtret hơmâo lu tơlơi gum pơgôp brơi kơ bruă pơđĭ kyar hrŏm amăng ƀôn prong.
Viết bình luận