Amăng hơdôm hrơi nao čuă sit nik dêh čar Khač hăng nao Jơnum Hương Sơn Bắc Kinh tal 10. Đại tướng Phan Văn Giang, Ding kơna Ding jum kơđi čar, kơ-iăng khua git gai Ping gah ling tơhan, Khua ding jum ling tơhan Việt Nam hăng ƀing khua mua pơprong mơng Ding jum ling tơhan hơmâo nao čuă anom pơtô boh thâo ling tơhan ngă hơkrŭ dêh čar Khač hăng grup tơhan pơlir hơbit mrô 6 gah Khul ling tơhan mrô 82. Amăng mông bưp khua mua anom bruă, Đại tướng Phan Văn Giang čang rơmang anom bruă pơtô boh thâo ling tơhan ngă hơkrŭ dêh čar Khač kơtưn ngă hrŏm kơsem min hăng hơdôm anom bruă mơng khul ling tơhan Việt Nam.

Khua ding jum ling tơhan Việt Nam ăt rơkâo Anom pơtô boh thâo ling tơhan ngă hơkrŭ dêh čar Khač hăng anom kơsem min Ling tơhan Việt Nam ngă hrŏm kiăng tañ pơgiong bruă kơsem min hrŏm “Ĕp pơƀut glăi hră pơ-ar, gơnam tam bơdjơ̆ nao pran gum pơgôp giang mah kơplah wah Ling tơhan Việt Nam-Khač, tơlơi pơmĭn gum pơgôp mơng Hồ Chí Minh-Mao Trạch Đông amăng rơnuk blah wang kơdong glăi ayăt Prang hăng Mi.