Tơdơi kơ pơhmư̆ khua mua tơring čar Kon Tum lăi pơthâo kơ bruă prăp rơmet kơ hrơi Jơnum ngui gru grua, bơkơjăp drơi jăn hăng tuai čuă ngui djŏp djuai ania ƀiă kual Dap kơdư tal 1, thun 2023, Khua ding jum Kông an, Đại tướng Tô Lâm pơsit, bruă pơphun truh kih Hrơi jơnum ngui Gru grua, Bơkơjăp drơi jăn hăng Tuai čuă ngui djŏp djuai ania kual Dap Kơdư tal 1 thun 2023 ƀơi tơring čar Kon Tum yôm biă mă, djru djă pioh, răk lui, pơtrut đĭ gru ama grua amĭ kual Dap Kơdư.

Hrơi jơnum ngui yua Ding jum Gru grua Bơkơjăp drơi jăn hăng Tuai čuă ngui ngă hrŏm hăng hơdôm Ding jum, anom bruă Kơnuk kơna hăng 5 boh tơring čar kual Dap Kơdư kah hăng: Kon Tum, Gia Lai, Đăk Lăk, Dak Nông hăng Lâm Đồng pơphun. Nao jơnum hrŏm hơmâo năng ai 1.000 čô kơhnăk, mơnuih ngă sen, mơnuih bơkơjăp drơi jăn hăng ƀing khua pơ ala djŏp djuai ania glăk dŏ hơdip ƀơi 5 boh tơring čar kual Dap Kơdư. Hrơi pơphun jơnum hơmâo pơphun mơmot tom brơi lơ 29/11 ƀơi Tơdron lăk 16/3, plơi prong Kon Tum, tơring čar Kon Tum.