Boh yom phun tal pơplông anai pơtum lăi nao jơlan hơdră, hră pơtrun mơ̆ng ping gah hăng kơnuk kơna kơ bruă pơđĭ tui boh thâo ia rơgơi phrâo, pơblih pơčeh phrâo ia rơgơi hăng pơblih yua mrô; Hră pơtrun mrô 57 mơ̆ng Ding jum kơđi čar kơ bruă pơtrut kơtang hloh pơđĭ kyar boh thâo ia rơgơi tơlơi pơhing, pơblih pơčeh phrâo hăng pơblih yua mrô gưl dêh čar; lu jơlan hơdră, akŏ bruă pơblih yua mrô mơ̆ng tơring čar Dak Lak.

Boh tơhnal tal pơplông brơi ƀuh tơlơi thâo hluh mơ̆ng khua mua, mơnuih apăn bruă čar, mơnuih ping gah hăng mơnuih ƀôn sang tơlơi gơgrong ba mơ̆ng ia rơgơi tơlơi kơhnâo phrâo rơnuk anai, pơblih pơčeh phrâo hăng pơblih yua mrô rim hrơi dưi ngă tui lu hloh. Tal pơplông ƀu kơnong jing anih pơplông tơlơi thâo rơgơi hrăm hră pơar đôč ôh dŏ jing atur yom pioh kơ tơring čar Dak Lak ăt pok pơhai ngă tui tŭ yua hloh djop jơlan hơdră pơblih yua mrô, akŏ pơjing jơlan hơdră git gai kơnuk kơna mă bruă yua mrô, bơwih ƀong huă yua mrô hăng wai lăng mơnuih mơnam hăng mrô soh pơ anăp adih.