Thun rơgao, hơdôm puih kơđông pơgang guai dêh čar, anom pơhrăm tơring čar Dak Lak hmâo djru laih 40 čô čơđai sang hră hmâo tơlơi hơdip mơda tơnap tap amăng jơlan hơdră “Čung tơkai adơi nao sang hră” hăng “Ană rông puih kơđông pơgang guai dêh čar”; pơphun djru mơnuih ƀôn sang 8.360 hrơi bruă; pơdŏng 86 bôh sang gum hrŏm hơbit hmâo nua 8 klai 600 klăk prăk.

Ơi Võ Văn Cảnh – Kơ-iăng Khua Jơnum min mơnuih ƀôn sang tơring čar Dak Lak djă pioh, bơni khul tơhan pơgang guai dêh čar, mơnuih ƀôn sang ƀơi kual guai dêh čar, hơdôm mơnuih, khul grŭp hmâo bôh than prong amăng gum hrŏm pơdŏng kual guai dêh čar kơjăp kơtang rơwang 2019-2024. Ngă tui bôh than dưi ngă, ơi Võ Văn Cảnh lăi rơđah sa dua bruă mă phun amăng pơgang, pơgăn guai dêh čar pơ̆ anăp anai./.