Tui anun, ơi Đinh Xuân Hà, Khua gơnong bruă Man pơphô hăng Tuh pơ alin ngă Khua pel ĕp kơđi tơring čar. Ơi Võ Ngọc Tuyên, Khua git gai Ping gah tơring glông Lăk ngă Khua gơnong bruă Man pơphô hăng Tuh pơ alin. Pơhiăp ƀơi mông ngă bruă, Khua jơnum min mơnuih ƀôn sang tơring čar Dak Lăk čang rơmang, hăng bruă phrâo, dua gơñu kiăng kơjăp bruă kơđi čar, pơtrut tui pran jua, gơgrong bruă, tơlơi rơgơi; ƀu pơdơi gir run, hrăm tui hăng pơđĭ tui tơlơi gơgrong bruă; hơmâo tơlơi gum pơgôp kiăng hrŏm hăng khul grup ngă truh kih djŏp bruă hơmâo jao, akŏ bruă hơmâo ba tơbiă; akŏ pơdong anom bruă jai hrơi đĭ kyar.

Pơhiăp ƀơi mông ngă bruă phrâo, dua čô khua phrâo, Khua pel ĕp kơđi tơring čar Đinh Xuân Hà hăng Khua Gơnong bruă Man pơphô hăng Tuh pơ alin Võ Ngọc Tuyên hok mơ-ak lơ̆m hơmâo kơnuk kơna đăo kơnang jao bruă phrâo.