Bruă ngă anai, pơphun mơ̆ng lơ 4/5 truh lơ 4/6, pơtum lu sang bruă, anom bruă hăng glông bruă kơđi čar gum hrŏm. Kơčăo bruă čuk jơlan anai glông ataih rơbêh 25,47 km, rơnoh prăk tuh pơ alin truh kơ 3.825 klai prăk; truh ră anai hơmâo jao ngă giong 15 km laih, anih duh bruă pơklaih ala lŏn jao glăi samơ̆ ăt dŏ kaih.

Pơhiăp amăng mông jơnum, Khua jơnum min mơnuih ƀôn sang tơring čar Dak Lak ơi Đỗ Hữu Huy lăi pơtong, anai lĕ ring bruă phun, yom biă mă kơ bruă pơtrut pơđĭ kyar bơwih ƀong huă mơnuih mơnam, pơgang lŏn ia, pok prong tui plơi prong, anih tuai čuă ngui hăng ba yua anŏ gêh găl kual ia rơsĭ pioh bơwih ƀong huă; bruă mă pơklaih ala lŏn, čuk pơdăo sa bruă mă yom phun, pô ngă khua glăm ba amăng bruă anai khom gơgrong phun.