Lâm Đồng pơsit jơlan bơwih ƀong ter hang ia rơsĭ 75.000ha, anăp nao rơnoh đĭ kyar phrâo
Thứ ba, 14:11, 05/05/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Lơ 4/5, Khul mă bruă mơ̆ng Ping gah yua Ding kơna git gai Ping gah, Khua sang phat kơđi prong Nguyễn Văn Quảng ngă khua khul nao mă bruă hăng tơring čar Lâm Đồng kơ bruă pok pơhai Kual bơwih ƀong ter hang ia rơsĭ hăng hơdôm kơčăo bruă akŏ phun.
Kơčăo bruă pơsit rơnoh đĭ kyar phrâo prong năng ai 75.000ha, đĭ kyar lu bruă mă kah hăng boh thâo măi mok, ia rơgơi, plơi prong, bơwih bơwang, tơdrun kom păn, logistics, apui ayuh hăng čơkă tuai hyu ngui; ră anai hơmâo năng ai 210 kơčăo bruă, amăng anun hơmâo 128 glăk mă bruă laih.
Tơdrun kom păn ia rơsĭ hơmâo čuk pơkra tui hơnong pơkă mrô 1, dưi čơkă ƀat tô truh 150.000 tơn. Pơhiăp ƀơi mông mă bruă, ơi Nguyễn Văn Quảng lăi dlăm, tơlơi kiăng pơjing anŏ phara, tơlơi kiăng ngă hlâo anom bruă pơkra apui ayuh prong ngă gong phun či pơhưč tuh pơ alin, pơđĭ tui tơlơi dưi bơkơtưn; laih dong pơlir dưm dăp čuk pơkra pơlir kual lŏn, pơtruh anih anom, pơjing rai anih đĭ kyar bơkơnar./.
Viết bình luận