Amăng mông jơnum, ƀing khua mua đing nao ngă rơđah tơlơi ba truh, pơlăi nao rai tơlơi găn rơgao hăng ba tơbiă hơdră ngă hrưn đĭ bruă mă mơng ƀing apăn bruă ƀơi ƀon lan, lăp djơ̆ tơlơi rơkâo, bruă jao amăng rơwang phrâo. Tui yă Huỳnh Thị Chiến Hòa, kơ-iăng Khua git gai Ping gah tơring čar Dak Lak bruă hrưn đĭ ngă bruă klă mơng ƀing apăn bruă ƀon lan hăng khul grup Ping gah lĕ tơlơi rơkâo kiăng biă mă amăng pok pơhai gong gai dua gưl, pơgôp pơjing anih anom mă bruă hơbot, ngă bruă klă, ngă atur kiăng pơđĭ kyar tañ hăng hơđong kjăp pơ anăp.

Yă Huỳnh Thị Chiến Hòa rơkâo gưl Ping gah đing nao pel ĕp, lăng glăi djop mơnuih apăn bruă; dưm dăp djơ̆ mơnuih, djơ̆ bruă; laih dong pơplih phrâo boh tơhnal jơnum khul Ping gah hăng hrưn đĭ klă bruă pơđĭ kyar mơnuih Ping gah.