Tơring čar ră anai hơmâo rơbêh 19.500 boh anom sĭ mơdrô amăng djŏp bruă mă, lu anom bơwih ƀong mơdrô truh pơ čar rơngiao, pơsit anăn gơnam mơ̆ng Dak Lăk. Hrŏm hăng bruă pơkra gơnam, sĭ mơdrô, ƀing mơdrô ăt gir gum djru mơnuih tơnap, ngă bruă khăp pap, djru ba mơnuih ƀôn sang pơ kual tơnap tap.

Mơ̆ng akŏ thun truh ră anai, GRDP tơring čar đĭ giăm 7%, ba sĭ gơnam hơmâo rơbêh 2,3 klai USD, sĭ gơnam kơ mơnuih blơi yua đĭ giăm 18%, anih anom tuh pơ alin pơplih klă mơn, hăng rơbêh 2.300 anom bơwih ƀong phrâo akŏ pơdong. Pơhiăp ƀơi mông jơnum, Khua jơnum min mơnuih ƀôn sang tơring čar Dak Lăk ơi Tạ Anh Tuấn tŭ yap hơdôm tơlơi gum pơgôp mơ̆ng anom bơwih ƀong sĭ mơdrô, pơsit gong gai amra gum hrŏm, djru ngă hră amuñ, pơplih boh thâo mrô, pơjing rai anih sĭ mơdrô rơđah rơđông, tơpă sit, gêh gal kơ anom bơwih ƀong đĭ kyar. Ƀrô tal anai, Jơnum min mơnuih ƀôn sang tơring čar Dak Lăk brơi hră bơni kơ 18 khul grup hăng 30 čô mơnuih bơwih ƀong rơgơi./.