Ƀơi Jơlan hơdră, pô pơ ala dưi hmư̆ tơlơi lăi pơthâo kơ anô̆ gal hăng hơdôm bôh than pơđĭ kyar bơwih ƀong, mơnuih mơnam mơ̆ng tơring čar Dak Lak hơdôm hrơi rơgao. Neh wa ta dô̆ pơ̆ dêh čar arăng pơdah pran jua mơ-ak hăng hơdôm pơplih ƀô̆ mơta hăng tơlơi pơđĭ kyar bơwih ƀong – mơnuih mơnam mơ̆ng Dak Lak; lăi pơthâo hơdôm tơlơi pơmin, čang rơmang mơ̆ng mơnuih ƀôn sang ataih mơ̆ng plơi pla, čang rơmang tơring čar ngă gal brơi pioh gơñu tuh pơplai bơwih ƀong, djru pơdŏng hăng pơđĭ kyar plơi pla.

Pơhiăp amăng jơlan hơdră, yă H Yim Kđoh, Kơ-iăng Khua Jơnum min mơnuih ƀôn sang tơring čar Dak Lak pơ ala kơ khua git gai tơring čar djă pioh, bơni hơdôm tơlơi gum hơgôp mơ̆ng mơnuih dêh čar ta dô̆ pơ̆ dêh čar arăng amăng hơdôm hrơi rơgao; pơtŏng sit Ping gah, Kơnuk kơna ta lăng ba na nao hăng lăng khul mơnuih dêh čar Việt Nam dô̆ pơ̆ dêh čar tač rơngiao lĕ sa črăn yôm phăn ƀu dưi kah đuăi, jing sa pran pơtrut pơđĭ kyar mơ̆ng lŏn ia, mơ̆ng tơring čar./.