Ping gah tơring čar Dak Lak ră anai hơmâo 20 boh sang bruă ping gah gưl tơring glông gah tơring čar wai lăng, 843 boh sang bruă ping gah pơyŭ, hơmâo 83.000 čô mơnuih ping gah. Amăng mông h’ŭ hơdor glăi, ƀing khua mua pơđok tơlơi čih ră ruai glăi gru grua, hơdor pioh bruă akŏ pơdong ping gah Cộng sản blung a mơ̆ng tơring čar. Hăng pran jua pơpŭ pơyơr guang bơnga, čuh ñang hơdor kơ ƀing tơhan hơkrŭ pơsăn drơi jăn yua kơ lŏn ia ƀơi anai.

Kơ-iăng Khua Gơnong bruă Gru grua, Pơrơguăt drơi jăn hăng Tuai čuă ngui Lại Đức Đại, anih anom wai lăng djă pioh gru grua sang mơnă Ƀuôn Ma Thuôt brơi thâo, lơ 23/11 rim thun, tơring čar Dak Lak pơphun čuh ñang pơpŭ pơyơr guang bơnga kiăng hơdor glăi gru grua đưm ƀơi sang mơnă, pơdah rai pran jua hơdor tơngia dơlăm hloh pioh kơ ƀing anong wa, ơi yă nao hlâo tuh drah pơčah asar pơsăn drơi jăn yua kơ lŏn ia akŏ pơdong hăng pơđĭ kyar tơring čar Dak Lak dưi hơmâo boh tơhnal klă hiam kah hăng ră anai.