Ơi Phan Xuân Bách, Kơ-iăng Khua Grŭp wai lăng rơwang bruă tuh pơplai pơdŏng ring bruă jơlan nao rai hăng bruă đang hmua tơring čar Dak Lak brơi thâo, tơdơi kơ lu tal mơ-ĭt tơlơi ba tơbiă, rơnuč blan 10/2023, Ding jum wai lăng jơlan nao rai dŭ pơgiăng hmâo laih tơlơi pơsit pơplih pơkra hơdră pơtrun Rơwang bruă tuh pơplai pơkra jơlan Hồ Chí Minh jơlan wer gah ngŏ Buôn Ma Thuột.

Kiăo tui anun, abih bang rơnoh tuh pơplai mơ̆ng rơwang bruă dưi pơplih pơkra mơ̆ng 1.500 klai prăk truh 1.841 klai prăk. Mrô prăk 341 klai prăk đĭ dong biă ñu yua pioh pơhrua nao prăk pơsir anih anom mă yua pơkra jơlan phrâo hmâo lơm pok pơhai rơwang bruă. Tơdơi kơ dưi pơsir prăk mơtăm, pô tuh pơplai hmâo črâo ba hơdôm bôh anom bơdjơ̆ nao đĭ rơnoh, pơsir rah anih anom mă yua man pơkra, pơkra rah jơlan pioh hmao rơnoh pơkra giong rơwang bruă amăng thun 2024./.