Dak Lak: Djru anom bơwih ƀong gơgrong hlâo ngă juăt, hơkrŭ glăi hăng pơđĭ kyar kơjăp phik
Thứ sáu, 10:32, 06/10/2023
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai – Čơtlăm lơ 5/10, Jơnum min mơnuih ƀôn sang tơring čar Dak Lak pơphun Bơkơtuai djru anom bơwih ƀong gơgrong hlâo ngă juăt, hơkrŭ glăi hăng pơđĭ kyar kơjăp phik amăng tơring čar Dak Lak.
Amăng mông bơkơtuai, mơnuih pơ ala hơdôm bôh anom pô lăng tui kiăng djru anom bơwih ƀong. Amăng anun hmâo hơdôm jơlan gah pơsir kah hăng: hrŏ trun prăk mă yua kơ anom bơwih ƀong, kơtưn bruă ngă juăt hơdôm ngăn rơnoh djru gum; hơkrŭ pơsir jơlan pơlir hơbit, djru anom bơwih ƀong pok prong bruă sĭ mơdrô; ngă gal brơi, hơđong bruă mă kơ mơnuih mă bruă.
Hrŏm hăng anun, Bơkơtuai dô̆ đing nao bơkơtuai, lăi pơthâo nao rai hơdôm bruă pơsir kiăng djru anom bơwih ƀong pơplih phrâo pơčeh phrâo, pơđĭ tui gơnam ngă rai klă, pioh sĭ mơdrô gơnam; pơtrut pơplih mrô amăng anom bơwih ƀong hăng pơđĭ kyar bơwih ƀong sĭ mơdrô tui jơlan măi mok; djru pơjing hăng pơđĭ kyar hơdôm jơlan pơlir hơbit ngă rai gơnam tam, pơkra, sĭ gơnam tam./.
Viết bình luận