Đơ đam tơring čar ră anai hơmâo rơbêh 3.000 boh ƀattô hăng rơbêh 12.500 čô mơnuih mă bruă. Lơm anun, giăm 500 boh ƀattô hăng 2.800 čô mơnuih glăk mă bruă amăng kual ia rơsĭ; mrô dŏ glăi glăk ƀơi hang. Kah pơpha tui kual, hơmâo 424 boh ƀattô glăk đuăi hyu amăng kual ia rơsĭ Quảng Ngãi-ƀôn prong Hồ Chí Minh; 24 boh ƀattô amăng kual ia rơsĭ Đồng Tháp-An Giang; 70 boh ƀattô amăng kual ia rơsĭ bul pơtâo Trường Sa.

Abih bang ƀattô hyu mă akan hơdang anai hơmâo ba nao pơ anih ter hang; hơdôm rơtuh gruh rông akan hơdang hơmâo akă ruăi kjăp. Glông iâu pơlăi nao rai pơhlôm ruah, pơhlôm hmao tlôn lăi pơthâo gưl glông hăng gum hrŏm kjăp hăng gong gai, anom bruă bơdjơ̆ nao amăng pơsir hĭ tơlơi sit nik.

Lơ 25/8, Ling tơhan pơgang guai dêh čar tơring čar Gia Lai hmâo iâo pơthưr laih 3.397 bôh ƀat tô hăng rơbêh kơ 23.100 čô mơnuih hyu mă akan hơdang pơwot glăi pơ̆ hang ia rơsĭ kơđap pơhlôm hlâo kơ kơthel tal 5 truh (kơthel hmâo anăn Kajiki). Pioh pơhlôm hlâo kơthel tal 5, Grŭp git gai Ling tơhan pơgang guai dêh čar tơring čar Gia Lai hmâo mă yua laih 3 kông điêng ječ, rơkâo hơdôm bôh anom kơtưn lăng tui, tŭ mă na nao tơlơi pơhing kơ ayuh hyiăng ƀơi kual guai dêh čar hăng kual ia rơsĭ; hrŏm hăng anun lăi pơthâo, pơtô brơi hơdôm bôh ƀat tô song nan thâo anih anom, jơlan pưh mơ̆ng kơthel pioh gơgrong hlâo pơgang hlôm hlâo, tơbiă đuăi ƀudah ƀu mut nao ƀơi kual huĭ rơhyưt.

 Khul pơgang guai dêh čar hmâo pơtô brơi laih 626 bôh ƀat tô hăng 5.147 čô mơnuih hyu mă akan hơdang jưh ƀơi hơdôm anih jưh pơhlôm klă; hrŏm hăng anun iâo pơthưr hmâo 3.397 bôh ƀat tô hăng 23.104 čô mơnuih hyu mă kan hơdang jư̆h ƀơi hang ia kơđap kơthel./.