Hrŏm hăng bruă ječ pơgang anih dŏ hơdip jum dar, khua mua tơring čar Dak Lak git gai ba nao tañ braih djru mơng kơnuk kơ brơi mơnuih ƀôn sang; ba mă yua măi hlong ia, anih djru brơi ia yua ƀơi hơdôm kual plơi pla; ječ ameč rơmet pơagaih sang hră, sang ia jrao kiăng hơdôm anih anom phun anai tañ pơwot glăi mă bruă tui hơđăp; gum hrŏm klă bruă djru mơng ƀing mơnuih, khul grup djru mơnuih nao tơl kual ia ling dăo, anăm brơi ngă kơniă jơlan nao rai, bơdjơ̆ nao hơdôm bruă rŭ pơdong glăi anŏ răm rai tơdơi kơ hơjan ia ling dăo…

Ơi Tạ Anh Tuấn, Khua Jơnum min mơnuih ƀôn sang tơring čar Dak Lak lăi pơtong: kơthel mrô 15 mut nao kual ia rơsĭ Ngŏ laih, gong gai djop să, phường kual ia ling dăo kiăng ječ ameč djru brơi mơnuih ƀôn sang, anăm brơi mơnuih ƀôn sang kơƀah anih dŏ, asơi huă, abăn ao. Laih dong, prap lui djop hơdră pơhlôm hlâo kơthel pơ anăp dong.