Git gai mông jơnum, Khua jơnum min mơnuih ƀôn sang tơring čar ơi Tạ Anh Tuấn kiăng krăo lăng ayuh hyiăng, wai lăng rơnuk rơnua djŏp dơnao kŏng ia, wai lăng bat tô nao rai hăng iâu pơthưr ling tơhan ƀơi anih krăp lăng, khut ƀu brơi dŏ kơtuă, sư̆ rơbư̆ ôh.

Tui hăng Đại tá Nguyễn Văn Linh, 6h mơguah lơ 5/11, Tơhan pơgang guai tơring čar pơtrun hră kŏm nao pơ ia rơsĭ kiăng rơnuk rơnua kơ mơnuih mă akan hăng ƀat tô nao rai. Hrŏm hăng wai pơgang bruă ƀơi ia rơsĭ, hơdôm gơnong bruă hăng să phường glăk pơƀut lăng glăi abih plơi pla gah dơnung plung, anih amuñ tơhlŏm, prăp rơmet ba pơđuăi, pơgang ba ring bruă yơyom. Tơhan kông an, tơhan ƀô̆ đô̆i, tơhan nao hlâo pơgang tơlơi truh lŏn adai ngă gưl să dŏ krăp lăng, djru ba mơnuih ƀôn sang, biă ñu pơ hơdôm kual amuñ tơhlŏm, kơđông ƀu thâo tơbiă hyu lơ̆m hơmâo hơjan prong. Ơi Tạ Anh Tuấn, Khua jơnum min mơnuih ƀôn sang tơring čar Dak Lăk kiăng kơđiăng, pok pơhai ngă bruă “4 ƀơi anih”, ƀu dưi ngă amưng ôh./.