VOV4.Jarai-Amăng dua hrơi lơ 13-14/10, Khul tơdăm dra mut phung rơnuk Hồ Chí Minh tơring čar Dak Lak jơnum ruah khua tal 12, rơwang bruă thun 2022-2027 hơmâo 300 čô mơnuih pơ ala kơ rơbêh 90 rơbâo čô tơdăm dra mut phung amăng tơring čar.

Khua apăn bruă khul tơdăm dra rơnuk Hồ Chí Minh Dak Lak tal 12, rơwang bruă

thun 2022-2027 pơdah thâo laih jơnum

Hăng boh pia “Kơsung nao hlâo-Djă pioh gru grua djuai ania-Gum pơgôp-Pơčeh phrâo-Pơđĭ kyar”, amăng rơwang bruă phrâo, hlăk ai Dak Lak pơtum ngă giong bruă jao tơhnal pơtrun kah hăng djru ba mơ̆ng 5 boh plơi, ƀôn tơnap man pơdong plơi pla phrâo; pla hăng wai lăng 1 klăk 500 rơbâo phun kyâo mơtah mơda; pơhrăm tơlơi pơhiăp dêh čar tač rơngiao hăng mut phung jar kmar kơ ƀing ngă khua tơdăm dra mut phung laih anun tơdăm dra mut phung. Kiăng dưi ngă giong bruă jao anai, amai H’Giang Niê, Khua anom bruă tơdăm dra mut phung tơring čar Dak Lak tal 12, rơwang bruă 2022-2027 brơi thâo, djop sang bruă khul tơdăm dra mut phung đing nao kơ tơdăm dra mut phung kual ataih, kual djuai ƀiă, ăt pơtrut bruă mă hlăk ai mơ̆ng plơi plâ, djop sang bruă, kiăng pơphun bruă mă kơ ƀing tơdăm dra tŭ yua laih anun pơđĭ kyar.

Nay Jek: Pơblang