Hăng hơdră ngă bruă “pơhmư̆ hăng ngă bruă” ƀơi mông jơnum pơhiăp tom anom bơwih ƀong tơring čar Dak Lăk thun 2023 pơphun mơ̆ng lơ 19-10, khua mua tơring čar hơmâo djă pioh lu tơlơi pơgôp hiăp mơ̆ng hơdôm anom bơwih ƀong, amăng anun hơmâo bruă hmư̆ hang amăng tơngia mơ̆ tơring čar glăk ĕp hơdră pơsir brơi. Tui hăng tơlơi lăi pơthâo, truh ră anai hơmâo lu anom bơwih ƀong ƀơi Dak Lăk thâo prăp rơmet, ngă bruă mă pô, pơsir hĭ tơnap tap, pơkra gơnam sĭ mơdrô, pơhlôm brơi tơlơi hơdip mơnuih mă bruă. Khă hnun, bruă ngă hră pơ-ar ăt jing bruă mơ̆ anom bơwih ƀong ƀơi tơring čar lăng ƀu djơ̆ pran.

Tơdơi kơ pơhmư̆ tơlơi pơgôp hiăp mơ̆ng anom bơwih ƀong hăng hơdôm tơlơi lăi pơthâo glăi mơ̆ng khua mua hơdôm gơnong bruă, ơi Phạm Ngọc Nghị, khua Jơnum min mơnuih ƀôn sang tơring čar Dak lăk hơmâo lăi pơthâo glăi rơđah hloh hơdôm tơlơi mơ̆ anom bơwih ƀong aka ƀu rơđah amăng djŏp mơta bruă. Laih dong git gai hơdôm anom bruă khŏm gir hloh amăng bruă djru anom bơwih ƀong.