Rơnoh pơđĭ kyar GRDP rơwang tal I/2026 mơng tơring čar Dak Lak him lăng giăm 7,5%, aset ƀiă tui tơlơi pơkă, ngă glêh tơnap brơi hơdôm rơwang tơdơi amăng thun anai. Amăng mông jơnum, lu tơlơi pơgôp hiăp lăi nao tơpă hơdôm tơlơi gun amăng tơhnal pơkă, pơplih ngă hră pơ-ar, hrơi mông ngă hăng prăk pơhrui, rơkâo pơplih hơdai nao wai lăng tui jơlan hơdră pơđĭ kyar tong ten, pơlir tơlơi glăm ba mơng rĭm gơnong bruă, rĭm ƀon lan. Khua mua Jơnum min pơ ala mơnuih ƀôn sang tơring čar Dak Lak rơkâo kiăo tui lăng rơnoh pơđĭ kyar tui rĭm blan, ngă rơđah tơlơi glăm ba mơng rĭm bruă. Hơdôm tơlơi pơgôp hiăp ăt lăi pơtong nao bruă ngă hră pơ-ar dŏ kaih, aka ƀu lăp djơ̆ tơlơi rơkâo sit nik, ngă glêh tơnap brơi ƀon lan.

Khua git gai Ping gah tơring čar Dak Lak ơi Lương Nguyễn Minh Triết rơkâo đing nao pơsir hĭ hơdôm bruă mă gơnam amăng atur lŏn, apui lơtrik, tuai čuă ngui hăng pơtrut tañ pơplih ngă hră pơ-ar. Tơlơi pơmĭn mơng tơring čar Dak Lak lĕ: Anăm pơgang brơi pô mơ̆ ngă tơnap brơi anom bơwih ƀong sĭ mơdrô…tơring čar Dak Lak pơsit kiăng pơplih tơlơi pơmĭn, pơhrŏ trun hrơi mông hăng prăk kak duh ngă hră pơ-ar kiăng pơtrut pơđĭ kyar.