Dak Lak khut khăt pơsir hĭ tơlơi gun kiăng pơđĭ kyar dua mrô
Thứ năm, 15:54, 07/05/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Mơguah lơ 6/5, Khul apăn bruă Ping gah tơring čar Dak Lak jơnum pơgôp hiăp kơ bruă ngă tui hơnong pơkă pơđĭ kyar bơwih ƀong huă dua mrô rơwang thun 2026-2030, đing nao pơgiong jơlan hơdră pơđĭ kyar, pơsir hĭ anŏ gun tuh pơ alin man pơdong, ngă hră pơ-ar hăng pơhrui glăi lŏn mơnai.
Dak Lak ba tơbiă hơnong pơkă mơng anun truh rơnuč thun, GRDP (nua abih bang gơnam amăng tơring čar) truh rơbêh 152 rơbâo klai prăk, pơđĭ kyar mơng 10,64% pơ glông. Đĭ pơhiăp git gai, Khua git gai Ping gah tơring čar Dak Lak ơi Lương Nguyễn Minh Triết rơkâo hruă kjăp ngă tui, hrưn đĭ klă tui jơlan hơdră pơđĭ kyar, pơtrut pơplih ngă hră pơ-ar, tañ ƀiă bruă ngă pơ-ar, sit biă ñu amăng bruă lŏn mơnai; laih dong rơkâo akŏ pơjing “grup ngă bruă” pơhrui lŏn mơnai.
Khua Jơnum min mơnuih ƀôn sang tơring čar Dak Lak Đỗ Hữu Huy brơi thâo, tơring čar hơmâo pok pơhai lu hơdră djru brơi anom bruă tuh pơ alin, samơ̆ hơdôm tơlơi gun kơ bruă tuh pơ alin man pơdong, pơhrui glăi lŏn mơnai hăng ngă hră pơ-ar lŏn mơnai ăt kiăng đing nao pơsir hĭ khut khăt.
Viết bình luận