VOV4.Jarai - Lơ 12/10, Anom bruă djru man pơdong plơi pla phrâo tơring čar Dak Lak hơmâo pơphun Jơnum pơtô pơblang kiăng hluh rơđah dong mơng anih anom kơđi čar hăng mơnuih ƀon sang kơ jơlan hơdră rĭm boh să sa gơnam. Tơdơi kơ rơbêh 4 thun pok pơhai, truh ră anai, tơring čar Dak Lak hơmâo laih 72 gơnam tui OCOP hơmâo tŭ yap mơng 3-4 asar pơtŭ.

Dak Lak jao hră pơsit tŭ yap gơnam tui OCOP gưl tơring čar

Mơng jơlan hơdră OCOP, ƀuh lu hơbô̆ bruă bơwih ƀong phrâo, mă bruă tŭ yua, thâo pơčeh, pơplih phrâo, pơgôp hrưn đĭ klă dong, gơnam tam rơnoh yôm amăng tơring čar. Samơ̆, mơng hrơi blan pok pơhai jơlan hơdră brơi ƀuh, hơdôm hơdră djru brơi anom bơwih ƀong tuĭ OCOP ăt aka đing nao, wai lăng aka ƀu kjăp, pơkra pơjing hăng sĭ mơdrô gơnam dŏ aset, aka ƀu lăi pơthâo tong ten brơi mơnuih blơi gơnam tam hăng anăn apăn sĭ mơdrô tui OCOP. Rơwang thun 2021-2025, tơring čar Dak Lak pơsit tong OCOP lĕ jơlan hơdră akŏ phun amăng pơđĭ kyar kual ƀon lan; anai lĕ jơlan gah hăng bruă jao akŏ phun amăng ngă tui jơlan hơdră tui hơnong pơkă dêh čar amăng man pơdong plơi pla phrâo ƀơi Dak Lak.

VOV Tây Nguyên/Siu Đoan: Pơblang