Lăp đing nao, tơring čar kiăng hơdôm boh să pơkra giong sang dŏ răm rai hlâo kơ lơ 30/11; prăp rơmet anih dŏ jăng jai rơnuk rơnua hăng man pơdong phrâo, pơdong anih dŏ phrâo kơ hơdôm boh sang anŏ rơngiă sang, sang tơglưh trun, ia kuor pơđuăi hlâo kơ lơ 31/1/2026. Tui hăng tơlơi pơtrun, hơjan plai ƀiă laih, ia trun tui mơn; hơdôm boh tơring khŏm krăp lăng plơi pla, biă ñu lĕ hơdôm anih dăo dlăm, ƀu thâo tơbiă hyu, đah mơ̆ng thâo rơđah djŏp mơta tơlơi, laih anun ming pơkra tơlơi răm rai hăng pran jua ngă bruă hơdeč hmar, tŭ yua.

Tơlơi kiăng ngă hlâo lĕ dưi mut nao truh pơ hơdôm boh sang dŏ kơđông, brơi asơi huă, ia mơñum, gơnam yua; khut ƀu brơi ană plơi djai glar, djai rơ-ot ôh. Tơring čar Dak Lăk iâu pơthưr ling tơhan blah ngă, tơhan kông an, tơdăm dra hlăk ai hăng mơnuih ƀon sang gum rơmet rơmot sang anŏ, sang hră, sang ia jrao, jơlan nao rai; tañ pơkra glăi apui lơtrik, ia yua, dăng kông. Hơdôm boh tơring khŏm lăng glăi abih bang, jŭ yap djŏp tơlơi răm rai; tŭ mă hăng pơpha hyu gơnam djru, dưm kơnar, djơ̆ pô kiăng djru.