Tui anun, prăk pơhrui kơ kơnuk kơna ƀơi tơring čar Dak Lăk thun anai him lăng hơmâo 7.770 klai prăk, kơnong hơmâo 76,93% akŏ bruă mơ̆ng Jơnum min pơ ala mơnuih ƀôn sang tơring čar jao. Rơngiao kơ klin Covid-19, ƀơi rŏng lŏn tơnah bơbeč djơ̆ tơlơi bơwih ƀong, bruă pơhrui prăk kơ kơnuk kơna mơ̆ng Dak Lăk ăt bơbeč djơ̆ mơn yua dah lu anom bơwih ƀong ƀơi tơring čar bưp lu tơlơi tơnap tap amăng bruă pơkra gơnam sĭ mơdrô, wơ̆t hăng hơdôm anom bơwih ƀong hơmâo gum pơgôp prong kơ prăk kăk kơnuk kơna.

Rơngiao kơ anun, bruă djru kơ anom bơwih ƀong hăng mơnuih ƀôn sang bơbeč yua klin Covid-19 kah hăng: lui hĭ, pơhrŏ trun, pơhrư̆i hĭ hơdôm prăk jia ăt bơbeč mơn kơ prăk pơhrui mơ̆ng tơring čar. Lăp đing nao, prăk pơhrui kơƀah lu hloh mơ̆ng tơring čar lĕ prăk mă yua lŏn tơnah, yua anih sĭ mơdrô lŏn tơnah trun hloh kơ mrô pơkă lăng.