Tui hăng tơlơi jŭ yap mơ̆ng anom bruă tơhan pơgang glai tơring čar Dak Lak, mơ̆ng akŏ thun 2020, truh ră anai amăng kual glai klô yua kông ty pơgang glai Ƀuôn Yă Wăm hơmâo 500 wơ̆t arăng phă glai, đơ đam lŏn hrŏ hĭ kyâo pơtâo truh 360 ha. Ơi Nguyễn Quốc Hưng, Khua anom bruă tơhan wai pơgang glai rưng tơring čar Dak Lak lăi, kông ty pơgang glai rưng Ƀuôn Yă Wăm ƀu djop mơnuih ngă bruă pơgang glai klô ôh. Boh tơhnal răm ƀăm, arăng phă glai pơrai rưng hơdôm thun hăng anai lu biă mă đơ đam lŏn glai hrŏ kơtang.

Amăng mrô 8.800 ha kông ty wai lăng, ră anai dŏ 3.000 ha đôč laih anun dŏ glăi glai kyâo pơtâo hret tui mơ̆n. Anom bruă tơhan pơgang glai rưng mơ-it nao lu tơhan hăng git gai anom bruă pơgang glai rưng tơring glông Čư̆ Mgar ngă hrŏm pô wai lăng glai klô ƀơi plơi pla khut khăt pơgăn tơlơi arăng phă glai pơrai rưng pơ anai.