Tui Khul pơlir hơbit hơdôm khul giăng mah tơring čar Dak Lak, amăng rơwang bruă rơgao, rim thun, tơring čar leng kơ pơphun jơlan jơdră pơbưp ƀô̆ mơta mơ-ak klă mơnuih dêh čar ta dô̆ pơ̆ dêh čar tač rơngiao glăi plơi čơkă têt tui phiăn juăt, hyu tơña bla, ƀơk gơnam tam mơnuih dêh čar ta glăi čuă plơi pla pô. Gum hrŏm hăng hơdôm bôh anom, khul grŭp pơphun hơdôm bruă bơkơtuai bôh thâo – adôh suang, jơnum ngui pơplông hơduăh ĕp lăng bôh thâo đưm kiăng pơđĭ tui tơlơi thâo hluh kơ khul mơnuih hlăk ai hăng mơnuih ƀôn sang.

Gum hrŏm klă hơdôm bruă pơtom hiăp mơnuih ƀôn sang mơ̆ng dêh čar hăng amăng kual. Amăng 5 thun rơgao, tơring čar hmâo čơkă jum 58 grŭp mơ̆ng dêh čar tač rơngiao hăng hơdôm rơtuh wot čô tuai nao mă bruă, bơkơtuai hơduăh ĕp hăng ba tơbiă tơhnal gum hrŏm amăng lu bruă. Pơ̆ anăp, Khul pơlir hơbit giăng mah tơring čar Dak Lak ba tơbiă tơhnal pơđĭ kyar dong hơdôm khul giăng mah dua bơnah phrâo, pơphun na nao hơdôm bruă bơkơtuai mơnuih ƀôn sang hăng hơdôm bôh dêh čar. Hrưn đĭ djă pioh pơsur hmâo 20 klai prăk djru mơnuih ƀôn sang dêh čar tač rơngiao tui tơhnal pơkă mơ̆ Jơnum min mơnuih ƀôn sang tơring čar ba tơbiă./.