Kiăo tui anun, amăng rơwang mơng lơ 20/11/2023 truh abih lơ 29/2/2024, ƀing Grŭp wai lăng anih anom sĭ mơdrô gah Anom wai lăng anih anom sĭ mơdrô tơring čar Dak Lak amra pel ĕp hăng 111 khul grŭp, mơnuih mă bruă ngă gơnam, sĭ mơdrô gơnam ƀơi tơring čar.

Bruă pel ĕp, wai lăng amra đing nao hơdôm mơta gơnam hmâo lu mơnuih blơi yua amăng tal rơnuč thun hăng Tết tui phiăn juăt kah hăng ƀañ kĕo, sik, tơpai, hŏt djup, ia mih djop mơta, gơnam điện tử, kơtu ngă rơ-ŏt, sum ao, tơkhŏ jep, hlô mơnong hăng gơnam pơkra mơ̆ng hlô mơnong, mlăi pơtuh, djop mơta bơnga bôh troh... Hrŏm hăng anun hơdôm Grŭp ăt amra pơphun lăng tui kơjăp mơn bruă sĭ mơdrô ia xăng, ia jâo, ayuh gas, ƀu pioh hmâo tơlơi djă kŏng pioh gơnam, đĭ nua ƀu hmâo pơkă djơ̆ tui tơlơi phiăn kiăng djru pơhlôm hơđong anih anom sĭ mơdrô pioh djru Tết kơ mơnuih ƀôn sang./.