Dak Lak: Kơtưn wai pơgang guai hlâo, amăng hrơi ƀong tê̆t hăng tơdơi kơ tê̆t Giáp Thìn
Thứ sáu, 08:00, 02/02/2024
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Rơbêh kơ 1 wŏt hrơi tơjuh dong lĕ truh tê̆t Giáp Thìn, anom bruă git gai ling tơhan wai pơgang guai tơring čar Dak Lak hơmâo ngă hăng glăk git gai hơdôm puih kơđong tơhan, anom bruă pơtô hrăm - blah hơdeč pơpha ling tơhan hăng prap lui bruă wai pơgang rơnuk rơnua ƀơi guai lŏn ia, pơgăn hơdôm bruă sĭ mơdrô ča čot hăng kơdong glăi ƀing mơnuih ngă soh rôk jơlan guai kiăng pơhlôm brơi mơnuih ƀôn sang čơkă thun phrâo mơ-ak mơ-ai.
Tơring čar Dak Lak hơmâo jơlan guai glông rơbêh 71 km găn nao tơring glông Ea Sup hăng Buôn Đôn, hăng guai hăng tơring čar Mundulkiri, dêh čar Kur. Ƀrô bơyan anai, hơdôm anom bruă ling tơhan wai pơgang guai pơtrut kơtang bruă pel ĕp, wai pơgang, pơjing pơhrua hơdôm akŏ bruă, pơtop hrăm hơdôm hơdră pơgang pơgăn; hyu tir lu ƀiă, wai pơgang kjăp guai lŏn ia, sit biă ñu hơdôm kual juăt ƀut lu bruă ngă soh; pơgăn bruă blơi mut, sĭ dŏp hăng hơdôm bruă ngă soh pơkŏn.
Viết bình luận