Dong mơ̆ng akô̆ thun truh ră anai, hmâo 37 bôh anom bơwih ƀong amăng lŏn ia ta hăng dêh čar tač rơngiao nao hơduah ĕp tơhnal tuh pơplai ƀơi tơring čar Dak Lak. Jơnum min mơnuih ƀôn sang tơring čar hmâo pơsit tơlơi Pơsit hơdră pơtrun tuh pơplai kơ 7 rơwang bruă, hăng abih bang prăk pơkă hlâo rơbêh kơ 2.600 klai prăk. Pơsit hră tŭ yap tuh pơplai brơi 1 rơwang bruă FDI hmâo prăk pơkă 16,5 klai prăk. Anai lĕ mrô ƀu lu ôh hăng tơring čar dưi pơsit hmâo lu tơhnal gal pioh pơđĭ kyar lu gơnong bruă kah hăng Dak Lak.

Bôh than ngă bruă pơhưč tuh pơplai ƀơi Dak Lak ƀiă ngă pơhưč lĕ yua kơ tơlơi gun, akă gal gah lŏn yua pioh kơ rơwang bruă hăng hơdră pơkă prong pioh čơkă anom bơwih ƀong hmâo tơlơi kiăng bơwih ƀong ƀơi anai. Gơnong bruă wai lăng kơčăo bruă hăng tuh pơplai Dak Lak glăk gum hrŏm hăng hơdôm bôh anom bơdjơ̆ nao ngă giong tơhnal pơkă rơwang bruă ngă pơhưč tuh pơplai hmâo tơhnal gal, anô̆ kơtang pioh lăi pơthâo kơ Jơnum min mơnuih ƀôn sang tơring čar tañ lăi pơhing lu truh hăng ƀing tuh pơplai pioh ngă pơhưč anom bơwih ƀong amăng hăng dêh čar tač rơngiao truh hăng tơring čar./.